വൃദ്ധയെ കൂട്ടബലാൽസംഗം ചെയ്‌തശേഷം ‌ ശരീരമാസകലം മുറിവേൽപ്പിച്ചു

കേരളത്തിന്റെ ചരിത്രത്തിൽത്തന്നെ ആദ്യമായി നടക്കുന്ന സമാനതകളില്ലാത്ത കൂട്ടബലാത്സംഗം കോലഞ്ചേരിയിൽ. എഴുപത്തഞ്ചുകാരിയായ വൃദ്ധയെയാണ് അതിക്രൂരമായി ബലാത്സംഗം ചെയ്തത്. ശരീരത്തിന് അകത്തും പുറത്തും ഗുരുതരമായ പരിക്കുകളോടെ ഇവരെ കോലഞ്ചേരി മെഡിക്കൽ കോളേജ്യൂ ആശുപത്രിയിൽ പ്രവേശിപ്പിച്ചിരിക്കുകയാണ്. സംഭവത്തിൽ മൂന്നുപേരെ പൊലീസ് കസ്റ്റഡിയിലെടുത്തിട്ടുണ്ട്.

ശരീരമാസകലം മാരകായുധം ഉപയോഗിച്ച് മുറിപ്പെടുത്തിയത് മൂലം വന്‍കുടലിന് അടക്കം ഗുരുതരമായി പരിക്കേറ്റിട്ടുണ്ട്. കോലഞ്ചേരിക്കടുത്ത് പാങ്കോട്ടിലാണ് സംഭവം നടന്നത്. വൃദ്ധ വീട്ടില്‍ തനിച്ചായിരുന്ന സമയത്തായിരുന്നു പീഡനം. ബലാത്സംഗ ശേഷം പ്രതികള്‍ കത്തി ഉപയോഗിച്ച് വൃദ്ധയുടെ ശരീരം മുഴുവന്‍ വരഞ്ഞു. സ്വകാര്യഭാഗത്ത് കത്തിപോലുള്ള മാരകമായ ആയുധം ഉപയോഗിച്ച് ആഴത്തില്‍ മുറിവേല്‍പിച്ചിട്ടുണ്ട്.

ഞായറാഴ്ചയാണ് സംഭവം നടന്നതെങ്കിലും ഇന്നലെ രാത്രിയാണ് മനസാക്ഷിയെ ഞെട്ടിക്കുന്ന ഈ ക്രൂരത പുറത്തറിയുന്നത്. ബന്ധുക്കള്‍ നല്‍കിയ പരാതിയുടെ അടിസ്ഥാനത്തില്‍ മൂന്നുപേരെ പുത്തൻകുരിശ് പൊലീസ് കസ്റ്റഡിയിലെടുത്തു.

വൃദ്ധയെ അടിയന്തിര ശസ്ത്രക്രിയക്ക് വിധേയയാക്കിയിട്ടുണ്ട്. പ്രതികള്‍ മദ്യ ലഹരിയിലായിരുന്നുവെന്നാണ് പൊലീസ് നല്‍കുന്ന പ്രാഥമിക വിവരം.